Mercedes Benz B Class Tourer Vehicle இந்தியாவில் அறிமுகம்

Mercedes-Benz India கடந்த வாரம் தனது பி-கிளாஸ் ஸ்போர்ட்ஸ் டூரர் காரை இந்தியாவில் அறிமுகம் செய்தது.

ஸ்போர்ட்ஸ் டூரிங் என்பது உலகிற்குப் புதிதல்ல. மெர்சிடிஸ் பென்ஸ் இந்தியாவின் விற்பனை இயக்குநர் டெபஷிஸ் சொல்வது போல இந்தியாவிற்குமே புதிதல்ல. ராயல் என்பீல்டு தன் வாடிக்கையாளர்களுடன் இமயமலையை முற்றுகை இடுகிறது. www.xkmph.com www.bcmtouring.com போன்ற தளங்களில் பைக்கர்கள் வெளுத்து வாங்குகிறார்கள். கார்களில் ஊர் சுற்றும் வாலிபர்களும் இங்கு வந்து சலம்பாமல் இருப்பதில்லை. அவர்களைக் குறிவைத்துதான் இந்த புதிய கார் வெளியிடப்பட்டுள்ளதாக கூறுகிறார்கள்.

இதன் மூலம் கார்களில் ஒரு தனிப் பிரிவினை இந்தியாவில் தொடங்கி உள்ளதாக கூறும் மெர்சிடிஸ் பென்ஸ் களத்தில் audi மற்றும் BMWவை எதிர்கொள்ள இருக்கிறது.

இந்தியன் என்கிற பார்வையில் இரு விசியங்கள் என் கண்ணைக் கவர்கின்றன.
– 22 லகரம் (B 180) மற்றும் 25 லகரம்(B 180 sport) என்ஸ்ஷோரூம் விலை
– 14 .8கிமீ மைலேஜ்
– பென்ஸ் வரிசையில் விலை குறைந்த கார்

அதிகாரப்பூர்வமாக வெளியிடும் முன்னரே 250 கார்களுக்கான முன்பதிவு முடிந்துவிட்டதாகவும் அவை ஜனவரி மாதத்திலிருந்து ஒப்படைக்கப்படும் என்றும் தெரிவிக்கின்றனர்

தற்சமயம் இந்த கார் ஒட்டுமொத்தமாக இறக்குமதி செய்யப்படுகிறது.

இப்ப பெட்ரோல் வண்டி மட்டும்தான். டீசல் கார் அடுத்த வருடத்தின் 3வது காலாண்டில் வருகிறதாம்.

டெபஷிஸ் கூறிய கதைகளில் ஒரு சில இடங்கள் என் கவனத்தைக் கவர்ந்தது.
1. ப்ரீமியம் வரிசையில் வரும் முதல் சிறிய கார் இது
2. இந்த ஒரு காரில்தான் 7 ஏர்பேக் உள்ளது.
3. அத்துடன் இல்லாமல் டிரைவரின் கால் அசைவை வைத்து அண்ணன் கோடாங்கி அடிக்கிறாரா என்று அவதானித்து அப்பா சாமி. இந்தா காப்பி குடிச்சிட்டு ஓட்டு. எங்கயாவது கொண்டு போய் என்னைத் தள்ளிடாதேன்னு சொல்லுமாம்.

20 – 30 வயதுள்ள டூரிங் ஆர்வமுடைய யுவன் யுவதிகளையே குறி வைப்பதால் டிவி பத்திரிகையை விட இணையத்தில் அதிகமாக விளம்பரப் படுத்துகிறார்கள். டிவிட்டரை பாலோ செய்தால் மழையாய் செய்தி குமிவது நிச்சயம்!

[youtube=http://youtu.be/qoYWxl7n2e4]

புதிய கார் மற்றுமல்ல ஒரு புதிய கார் பிரிவையே துவக்கி வைக்கிறோம்னு சொல்றாக.