கூடங்குளம் தொடர்பான தலைமுறை டிவியில் ஒரு கலந்துரையாடலைக் காண நேர்ந்தது. (தலைமுறை டிவி பொதுவாக உதயகுமாரின் கருத்துக்களுக்கு முக்கியத்துவம் தந்து பிற கருத்துக்களை இருட்டடிப்பு செய்கிறதோ என்கிற சந்தேகம் எனக்கு உண்டு). எந்த ஒரு நுட்ப விளக்கங்களையும் கேட்க காதைக் கொடுக்க முடியாத ஒரு பிற்போக்கு அடிப்படைவாதத் தோற்றத்தை அளித்த திரு உதயகுமார், ‘இதெல்லாம் ஏட்டுச்சுரைக்கா. கறிக்கு உதவாது’ என்கிற இதே பழமொழியைச் சொல்லி நிராகரித்தார். விளக்கங்களைச் சொன்னவர் திரு அப்துல் கலாம் அவர்களின் குழாமைச் சேர்ந்தவர். உதயகுமாரின் பதிலைக் கேட்டதும் மனிதர் அசந்திருக்கவேண்டும்.
திரு ஜெயபரதன் அவர்களை எனக்குத் தெரியாது ஆனால் அவரது வலைப்பதிவினை நெடுங்காலமாகப் பின்தொடர்ந்து வருகிறேன். வானவியல் பற்றிய செய்திகளை மிக விரிவாக எழுதுபவர். ஒரு குறிக்கோளுடன் எழுதும் வெகு சில தமிழ் பதிவர்களில் இவரும் ஒருவர். கூடங்குளம் தொடர்பான உதயகுமாரின் கேள்விகளுக்கு இவரது பதிலை மறுபதிப்புச் செய்கிறேன்.
இருந்தாலும் இதில் எனக்கு பயம் ஏற்படுத்துவது இந்தியாவில் மறுக்க இயலாத வகையில் அதிகார அலுவலக வர்க்கத்தினைடையே இருந்துவரும் அஜாக்கிரதை, அலட்சியம். ஆந்திராவில் நடந்த கெயில் எரிவாயு குழாய் வெடிப்பு அதன் சமீபத்திய உதாரணம்.
-வாழ்க பாரதம்-